• Maila operatiboan (EBITDA) -amortizazioen eraginik eta finantza-emaitzen egozpenik gabe- Nafarroako sozietate publikoen jarduera zergarik gabekoa da orain eta 21,6 milioi euroren emaitza positiboa du.

• 17 milioi euroko banku-zorra ezeztatu da eta 48,7 milioiko inbertsioak egin dira.

Hiru urtez jarraian emaitzak hobetu ostean eta historiako bere emaitzarik onena lortu ostean, Nafarroako Enpresa Korporazio Publikoak (NEKP) -Foru Erkidegoko enpresa-sektore publikoko sozietate nagusia- urteko kontuak aurkeztu ditu, 2,39 milioi euroko emaitza positiboarekin.

Horri esker, finantza-orekaren eta Nafarroako sozietate publikoen iraunkortasunaren bidea finkatzen da. Gogora dezagun 2016an galerak 5,07 milioikoak izan zirela eta %86ra jaitsi zirela 2017an, 0,73 milioira, azkenik, 2018an zenbaki gorriak gaindituz egungo 2,4 milioi positiboetara iritsi arte.

Finkatutako kontuen itxiera positibo hori Korporazioaren historian bigarrenez gertatzen den mugarria da, 2014ko ekitaldian izandako 4, 6 milioien ostean (Iberdrolaren akzioan 30 milioiengatik saltzean egon zen eragin ikaragarriaren ostean).

Finkatutako emaitzan izandako garapen positiboaren arrazoi nagusiak operatiboaren eraginkortasunaren hobekuntza eta Navarra de Suelo y Vivienda, S.A. (NASUVINSA) sozietatearen emaitzak dira. Maila operatiboan (EBITDA), sozietate gehienek emaitza positiboak aurkeztu dituzte, 21,6 milioi euro positiborekin.  Emaitza hori amortizazioen eraginik eta finantza-emaitzen egozterik gabe, Nafarroako sozietate publikoen jarduera zorrik gabekoa eta denboran jasangarria denaren isla da.

Enpresa-sektore publikoaren finkatutako aktiboen zenbatekoa 904,8 milioi eurokoa da guztira. Aktibo horiek 645,5 milioiko ondare garbiari esker finantzatuta daude ia bere osotasunean eta banku-zorpetzea 102 milioikoa da, aktibo guztien %11,27.

2018an, 17 milioi euroko banku-zorra ezeztatu da, eta gainera 48,7 milioiko inbertsioak egin dira baliabide publikoen kudeaketaren irizpideei jarraiki. 

2018an, finkatutako Taldearen bataz besteko langileen kopurua 1.265koa izan da. 77 profesional gehiago aurreko urtearekin alderatuz gero. Ekitaldia ixtean, langileen %76 mugagabeak ziren eta oreka dago generoei dagokienez: %46 emakumezkoak dira eta %54 gizonezkoak.

NEKP-REN FINKATUTAKO URTEKO KONTUEN XEHETASUN-TAULA, 2018