NICDO

Navarra de Impulsa Cultura, Deporte y Ocio (NICDO) enpresak zuzenean kudeatzen ditu Nafarroako Baluarte Biltzar Jauregia eta Auditorioa, Iruñeko Planetarioa, eta Larra-Belagua eski-gunea. Horrez gain, Nafarroako Erakustazokaren eta Nafarroako Zirkuituaren kanpo kudeaketak kontrolatzen ditu (Nafarroako Erakustazoka REFENA SLek kudeatzen du eta Nafarroako Zirkuitua, berriz, Los Arcos MotorSport - LAMSek). NICDOk Nafarroako Filmoteka eta Navarra Film Commission kudeatzen ditu. Bestalde, Baluarte Fundaziorako programazio eta ekoizpen kulturaleko zerbitzuak eta komunikazio- eta kudeaketa-zerbitzuak gauzatzen ditu (Baluarte Fundazioa erakunde independentea da eta Baluarte Auditorioaren programazio eta Nafarroako Orkestra Sinfonikoaren programazio propioaz eta Nafarroako Gobernuko Kultura Zuzendaritza Nagusiaren Dantza, Antzerki, Zinema eta Musika Jaialdien koprodukzioaz arduratzen da).

NICDOren helburuak hauek dira: bere ardurapean dauden kultura-, kirol- eta aisialdi-zentroetarako estrategia bateratu bat garatzea eta gauzatzea, eta, hala, eragin ekonomiko eta sozial optimoa erdiestea Nafarroan kultura, kirol, kongresu edo bileren turismo (MICE) jasangarriaren bidez; kalitate handikoa eta, genero eta publikoari dagokienez, globala izango den kultura-eskaintza gerturatzea Foru Erkidegora, eta zientziaren dibulgazioa sustatzea eta teknologia berrietan alfabetatzea.

NICDO proiektuak enpresa-kudeaketa egokiaren ezaugarri diren lau zutarri ditu:

• Kudeaketa eraginkorra izatea; eraginkortasun hori autofinantzaketa-gaitasunaren bitartez neurtzen da: Bere jarduera gauzatzeko beharrezkoak diren inbertsioak ordaintzeko gai den mozkin operatiboa (EBITDA) sortzea
• Kalitate, ingurumen-kudeaketa, jasangarritasun eta gizarte-erantzukizunaren aldeko apustua egitea, egiaztagirien bidez eta jarduera egokiak barneratuta, etengabeko hobekuntza oinarritzat hartuta
• Giza baliabideen bikaintasuna
• Bezeroen gogobetetzea

NICDOren misioa behar bezala garatzeko ezinbestekoa da lankidetza-eremu publiko-pribatuak sortzea eta haiei eustea, kooperazio-sareetan eta nazioan eta nazioartean antzekoak diren zentroak dituzten elkarteekin uztartzea eta eskualde, nazio eta nazioarteko ekonomia- eta garapen-erakundeekin eta eragileekin kooperatzea.

NICDO arduratuko da Navarra Arena erabilera anitzeko pabiloi berria abian jartzeaz eta kudeatzeaz; hala adostu zen 2017ko martxoan Nafarroako Gobernuarekin. Pabiloi honen inaugurazioa 2018aren amaierarako aurreikusten da.