NEKPren PARTAIDETZA DUTEN ENPRESAK

Autopistas de Navarra, S.A. (AUDENASA) Autopistas de Navarra SA (AUDENASA) Iruñean sortu zen 1973an, eta Nafarroako Gobernuaren emakidaduna da Tutera eta Irurtzun herriak lotzen dituen bidesaridun autobidea eraikitzeko, mantentzeko eta ustiatzeko. Autobide hori Ebroko autobidearekin lotuko da hegoaldean eta Donostiara eta Gasteizera doazen autobideekin iparraldean. Nafarroako Gobernuak eta ENA Infraestructuras SAk dute bere jabegoa, % 50 bakoitzak. Infraestructuras SA gaur egun Citigroup-ek gidatzen duen Grupo Itínere-na da. Autobidea Nafarroako Gobernura itzuliko da 2029ko ekainaren 8an.

Canal de Navarra, S.A. (CANASA) sozietatea Nekazaritza, Elikadura eta Ingurumen Ministerioaren eta Nafarroako Foru Erkidegoak Nafarroako Ubidea eraikitzeko 1998ko urriaren 19ko lankidetza-hitzarmenaren eta hitzarmen horren eguneratze-akordioaren emaitza da. Aipatutako lankidetza-hitzarmen horren Jarraipen Batzordeak proposatu zuen sozietate hau eratzea, 1999ko abenduaren 1eko bilkuran, eta urte bereko abenduaren 30ean onartu zen Ministro Kontseiluaren akordio bidez.

CANASA 2000ko urtarrilaren 18an eratu zen Zaragozan, ordenamendu juridiko pribatuak gidatutako merkataritza-sozietate gisa. Hasiera batean, pertsona bakarreko sozietatea zen eta Espainiako Estatua du bazkide. Eratzeko eskrituran gainerako kapitala ordaintzeko egutegia ezartzen da. Bestalde, Estatutuak onartu, eta Administrazio Kontseilua eta bertako lehendakaria izendatzen dira.

2000ko urtarrilaren 19an sinatu zen Iruñan kudeaketa zuzeneko hitzarmena Ministerioaren eta sozietatearen artean. Hitzarmen horrek CANASAren jarduerak arautzen ditu.